ராஜஸ்தானில் மாஸ் கட்டிய கௌதம் அதானி.. எரிசக்தி துறைக்கு ரூ.50,000 கோடி முதலீடு!!

ராஜஸ்தானில் நடைபெற்ற முதலீடு உச்சி மாநாட்டில் புதுபிக்கத்தக்க எரிசக்தி துறைக்கு ரூ.50,000 கோடி முதலீடு செய்துள்ளார்.

ராஜஸ்தானின் முதல்வர் அசோக் கெலாட் அக்டோபர் 7 அன்று ராஜஸ்தான் முதலீட்டு உச்சிமாநாட்டினை தொடங்கி வைத்தார். அதில் மூத்த தொழிலதிபர்கள் கவுதம் அதானி, அனில் அகர்வால், சஞ்சீவ் பஜாஜ், எல்என் மிட்டல் ஆகியோர் கலந்து கொண்டுள்ளனர்.

மாநாட்டின் முடிவில் பேசிய இந்திய தொழில் அதிபர் கவுதம் அதானி, ராஜஸ்தானில் பல தொழில் துறைகளில் அதானி குழுமம் ரூ.35,000 கோடிக்கு மேல் முதலீடு செய்துள்ளதாகவும், புதுப்பிக்கத்தக்க எரிசக்தி துறையில் ரூ.50,000 கோடி முதலீடு செய்துள்ளதாகவும் கூறியுள்ளார்.

உலகம் முழுவதிலுமிருந்து 4,000க்கும் மேற்பட்ட விருந்தினர்கள் இந்த உச்சிமாநாட்டில் கலந்து கொள்கின்றனர். இம்மாநாட்டில் 10.44 லட்சம் கோடி ரூபாய்க்கு மேல் முதலீடுகளை பெற்று மாநில அரசின் வளர்ச்சிக்கு இது ஒரு உந்துகோளாக இருக்கும் எனக் கூறப்படுகிறது.

அடுத்த ஐந்து ஆண்டுகளுக்கு இந்த திட்டம் படிப்படியாக செயல்படுத்தப்படும் என்றும் அதானி கூறினார். மாநில அரசு அத்திட்டங்களை செயல்படுத்தும்.

அடுத்த 5 ஆண்டுகளுக்கு இது படிப்படியாக செயல்படுத்தப்படும் எனவும் இந்த சூழலில், ஒரு வாரத்திற்கு முன்புதான் உலகின் மிகப்பெரிய காற்றாலை-சூரிய கலப்பின மின் உற்பத்தி நிலையத்தின் வணிகச் செயல்பாடுகளையும் ராஜஸ்தானில் அதானி குழுமம் செயல்படுத்தியுள்ளோம் என்றும் கௌதம் அதானி கூறினார்.